距離上次拍片剛好1.5個月，我又返曼谷啦！今次最特別嘅地方就係找新餐廳試菜，3日裏面食咗勁多好嘢包括瀨尿蝦7食、極美味日本料理、貴婦下午茶、fusion泰菜同星級Chef Randall 最新餐廳，成功變身做超級肥仔!
一落機就走去食Chef Randall 係英國以外第一間餐廳-THEO MIO (新到依家仲係soft launch階段)，Chef Randall 係英國倫敦intercontinental 嘅餐廳,曾經被選為最佳意大利餐廳之一，而佢自己亦都有出演BBC 嘅美食節目，連Jamie Oliver都同佢合作過，兼大贊佢嘅手藝。THEO MIO 提供嘅意大利菜一d都唔複雜，相比依家曼谷最流行嘅分子料理/fusion 菜，THEO MIO 會令你覺得原來back to basic 係好緊要。
今次試曼谷分店，除咗試到最美味嘅得奬菜式之外，分店採用泰國當地原材料，所以非常新鮮，淨係個appetizer burrata 已經食到停唔到口，平時唔食紅椒嘅我都連續食咗兩舊，因為配埋啲burrata 非常好味，非常鮮甜。
不過最得到我哋所有人嘅歡心就係Chef Randall 嘅得奬菜cappelletti di vitello（牛仔肉蘑菇蝴蝶粉），非常簡單，非常好味，牛仔肉非常嫩同香再配搭埋好鮮甜嘅porcini mushroom 同好香嘅牛油，恰到好處，我地有朋友仔仲打包咗一份走，非常值得推介！其實佢個sirloin都做得好好，不過風頭完全地比個牛仔肉蘑菇蝴蝶粉給比下去。
最後當你以為係五星級酒店食意大利菜，仲要係星級廚房你一定會覺得唔平喇。其實佢每一個dish只係＄100鬆啲港紙，就算好好味嘅和牛扒同得獎菜都係$200多港幣，依家仲要泰銖低，仲抵食！Tourism Authority of Thailand (HK) / 泰國政府旅遊局 (HK)
Search